Current affairs is the one of the inevitable and compulsive topics in almost every competitive examinations. It is inevitable for an aspirant to get updated on daily current affairs happening around the world. Daily newspaper reading and follow-ups are necessary for mastering these current affairs section. In this article, we have provided the weekly current affairs in Malayalam from May 11 to May 17, 2020 which will help all Kerala PSC aspirants to improve scores in their examination.
Get free Mock Test for Kerala PSC Preparation!
Weekly Current Affairs in Malayalam 2020 – May 11 to May 17 for Kerala PSC Exams
Here are the top Malayalam current affairs from May 11 to May 17, 2020 for Kerala PSC Exams
സ്മോൾ പോക്സ് നിർമാർജ്ജനത്തിന്റെ 40-ാം വാർഷികത്തിൽ യു എൻ അനുസ്മരണ സ്റ്റാമ്പ് പുറത്തിറക്കി
- 2020 മെയ് 9 ന് ലോകാരോഗ്യ സംഘടനയും ഐക്യരാഷ്ട്ര തപാൽ ഏജൻസിയും സ്മോൾ പോക്സ് നിർമാർജനത്തിന്റെ നാൽപതാം വാർഷികത്തോടനുബന്ധിച്ച് ഒരു സ്മാരക സ്റ്റാമ്പ് പുറത്തിറക്കി.
- ലോകാരോഗ്യ സംഘടനയുടെ സ്മോൾ പോക്സ് നിർമാർജന ക്യാമ്പയിൻ 1967-ൽ ആണ് ആരംഭിക്കുന്നത്.1980-ൽ ലോകം
സ്മോൾ പോക്സിൽ നിന്ന് മുക്തമായെന്ന് യു എൻ ഔദ്യോഗികമായി പ്രഖ്യാപിച്ചു.
- സ്മോൾ പോക്സ് എന്ന അസുഖം ഇപ്പോൾ ഇന്ത്യയിൽ ഉന്മൂലനം ചെയ്യപ്പെട്ട ഒരു രോഗമാണ്. 1974 ൽ, ലോകത്തിൽ ഏറ്റവും കൂടുതൽ സ്മോൾ പോക്സ് ബാധിച്ച രാജ്യങ്ങളിലൊന്നാണ് ഇന്ത്യ. ലോക സ്മോൾ പോക്സ് കേസുകളിൽ 86 ശതമാനവും ഇന്ത്യയിൽ നിന്നായിരുന്നു.
SARFAESI നിയമത്തിന് കീഴിൽ ഇനി എല്ലാ സഹകരണ ബാങ്കുകളും
- സഹകരണ ബാങ്കുകൾ SARFAESI നിയമപ്രകാരം പ്രവർത്തിക്കുമെന്ന് സുപ്രീം കോടതി അടുത്തിടെ വിധി പ്രസ്താവിച്ചു.
- ബാങ്കുകളുടെ കിട്ടാക്കടങ്ങൾ പെരുകിവന്ന കാലത്താണ് ‘SARFAESI’ നിയമം (സെക്യൂരിറ്റൈസേഷൻ ആൻഡ് റീകൺസ്ട്രക്ഷൻ ഓഫ് ഫിനാൻഷ്യൽ അസറ്റ്സ് ആൻഡ് എൻഫോഴ്സ്മെന്റ് ഓഫ് സെക്യൂരിറ്റി ഇന്ററസ്റ്റ് ആക്ട്) വരുന്നത്.
- ബാങ്കുകൾ തിരിച്ചടവില്ലാത്ത വായ്പകൾ, പ്രത്യേകിച്ച് നിഷ്ക്രിയ ആസ്തികൾ വീണ്ടെടുക്കുന്നതിനുള്ള ഉപകരണമായി ഈ നിയമത്തെ ഉപയോഗിക്കുന്നു.
- ഇത് കോടതിയുടെ ഇടപെടലില്ലാതെ ബാങ്കുകളുടെ സുരക്ഷാ താൽപ്പര്യങ്ങൾ നടപ്പിലാക്കുന്നു. ഒരു കടം വീണ്ടെടുക്കുന്നതിന്, കടം എടുത്ത വ്യക്തിയുടെ സ്വത്ത് ഏറ്റെടുക്കാൻ ഇന്ത്യയിലെ ധനകാര്യ സ്ഥാപനങ്ങളെ ഈ നിയമം അധികാരപ്പെടുത്തുന്നു.
ഗവൺമെന്റ് ഓഫ് ഇന്ത്യ “മിഷൻ സാഗർ” ആരംഭിച്ചു
- 2020 മെയ് 10 ന്, ഇന്ത്യാ ഗവൺമെന്റ് “മിഷൻ സാഗർ” പദ്ധതി ആരംഭിച്ചു.
- മാലദ്വീപ്, മഡഗാസ്കർ, സീഷെൽസ്, കൊമോറോസ് എന്നിവിടങ്ങളിലേക്ക് ഭക്ഷ്യവസ്തുക്കൾ, കോവിഡ് -19 ചികിത്സയുമായി ബന്ധപ്പെട്ട ആയുർവേദ മരുന്നുകൾ,എച്ച്സിക്യു ഗുളികകൾ എന്നിവ എത്തിക്കുക എന്നതാണ് ദൗത്യം.
- ഇന്ത്യൻ നേവൽ ഷിപ്പായ കേസരിയാണ് മിഷന് മുന്നിൽ നിന്ന് പ്രവർത്തിക്കുന്നത്. പ്രതിരോധ മന്ത്രാലയത്തിന്റെയും വിദേശകാര്യ മന്ത്രാലയത്തിന്റെയും അടുത്ത സഹകരണത്തിലാണ് പ്രവർത്തനം നടത്തുന്നത്.
- ഇന്ത്യൻ മഹാസമുദ്രത്തിലെ “സാഗർ” എന്ന ഇന്ത്യയുടെ മിഷനുമായി ചേർന്നാണ് ഈ ദൗത്യം സംഘടിപ്പിക്കുന്നത്.ദൗത്യത്തിൽ ഉൾപ്പെടുത്തിയിട്ടുള്ള നാല് രാജ്യങ്ങളിലും ഇന്ത്യയ്ക്ക് ശക്തമായ നാവിക സാന്നിധ്യമുണ്ട്.
ഫോണുകൾ അണു വിമുക്തമാക്കുന്നതിന് ‘ഡി ആർ ഡി ഒ’ ധ്രുവ് സാനിറ്റൈസർ അവതരിപ്പിച്ചു
- ഡിഫെൻസ് റിസർച്ച് ഡെവലെപ്മെന്റ് ഓർഗനൈസേഷന്റെ റിസർച്ച് സെന്റർ ഇമറാത്ത് (ആർസിഐ) ഒരു അൾട്രാവയലറ്റ് സാനിറ്റൈസർ വികസിപ്പിച്ചെടുത്തു.
- ഹൈദരാബാദ് ആസ്ഥാനമായുള്ള ഡിആർഡിഒയുടെ ആർസിഐ ആണ് ഈ സാനിറ്റൈസർ നിർമ്മിച്ചത്.മൊബൈൽ ഫോണുകൾ, ലാപ്ടോപ്പുകൾ, ഐപാഡുകൾ, പാസ്ബുക്കുകൾ, ചലാൻ, പേപ്പർ എന്നിവ അണുവിമുക്തമാക്കാൻ ഈ ഒരു അൾട്രാ വയലറ്റ് കാബിൻ കൊണ്ട് സാധിക്കും.
- കറൻസി നോട്ടുകളും പേപ്പറുകളും അണുവിമുക്തമാക്കാൻ ഇത് ഉപയോഗിക്കാം.ഇത് കാബിനറ്റിനുള്ളിൽ സ്ഥാപിച്ചിരിക്കുന്ന വസ്തുക്കളിൽ അൾട്രാവയലറ്റ് രശ്മികൾക്ക് 360 ഡിഗ്രി എക്സ്പോഷർ നൽകുന്നു.
- ഇലക്ട്രോണിക് ഗാഡ്ജെറ്റുകൾ വൃത്തിയാക്കുന്നതിന് വളരെയധികം ഉപയോഗപ്രദമാകുന്ന ഒരു അൾട്രാവയലറ്റ് സാനിറ്റൈസേഷൻ സംവിധാനമാണ് ധ്രുവ്.
കോവിഡ് കവച്ച്: കോവിഡ് -19 നുള്ള ഇന്ത്യയിലെ ആദ്യത്തെ തദ്ദേശീയ എലിസ ടെസ്റ്റ് കിറ്റ്
- ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) – നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി (എൻഐവി), കോവിഡ് -19 സാന്നിധ്യം കണ്ടെത്തുന്നതിനായുള്ള തദ്ദേശീയ ഐ.ജി.ജി എലിസ ടെസ്റ്റ് ‘കോവിഡ് കവച്ച് എലിസ’ വികസിപ്പിക്കുകയും അവതരിപ്പിക്കുകയും ചെയ്തു.
- 2.5 മണിക്കൂറിൽ 90 സാമ്പിളുകൾ പരിശോധിക്കാൻ കിറ്റിന് കഴിയും. ഐസിഎംആർ (ഇന്ത്യൻ കൗൺസിൽ ഓഫ് മെഡിക്കൽ റിസർച്ച്), എൻഐവി എന്നിവ സംയുക്തമായാണ് കിറ്റ് വികസിപ്പിച്ചെടുത്തത്.
- സാമ്പിളിലെ ഐജിജി ആന്റിബോഡികളുടെ സാന്നിധ്യം കിറ്റ് പരിശോധിക്കും. ഇത് സെൻസിറ്റിവായതും ചെലവ് കുറഞ്ഞതും വേഗത്തിലുള്ളതുമാണ്.
- ആർടി-പിസിആർ ടെസ്റ്റിനെ അപേക്ഷിച്ച് കുറഞ്ഞ ബയോ-സേഫ്റ്റി, ബയോ സെക്യൂരിറ്റി ആവശ്യകതകൾ മാത്രമേ ഈ കിറ്റിന് ആവശ്യമുള്ളു.
“സ്വസ്ത്വവായു”: ഇന്ത്യ 36 ദിവസത്തിനുള്ളിൽ വികസിപ്പിച്ചെടുത്ത വെന്റിലേറ്റർ
- കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ചും (സിഎസ്ഐആർ) ബെംഗളൂരുവിലെ നാഷണൽ എയ്റോസ്പേസ് ലബോറട്ടറീസും ചേർന്ന് “സ്വസ്ത്വവായു” എന്ന വെന്റിലേറ്റർ വികസിപ്പിച്ചെടുത്തു.
- സിഎസ്ഐആർ വികസിപ്പിച്ച വെന്റിലേറ്റർ ഒരു സുരക്ഷിതമായ ബൈപാപ്പ് വെന്റിലേറ്ററാണ്. ബിൽറ്റ്-ഇൻ ബയോ കോംപാക്റ്റിബിൾ കപ്ലറും ഉയർന്ന എഫിഷ്യൻസി ഫിൽട്ടറും ഉപയോഗിച്ചാണ് വെന്റിലേറ്റർ നിർമ്മിച്ചിരിക്കുന്നത്.
- ഓക്സിജൻ കോൺസെൻട്രേറ്ററിനെ ബാഹ്യമായി ബന്ധിപ്പിക്കുന്നതിനുള്ള സംവിധാനം വെന്റിലേറ്ററിൽ ഉൾപ്പെടുത്തിയിട്ടുണ്ട്.വെന്റിലേറ്ററിന് എൻ എ ബി എല്ലിന്റെ അംഗീകാരം ലഭിച്ചു.
പ്രധാനമന്ത്രി മോദി ആത്മ നിർഭർ ഭാരത് അഭിയാൻ അവതരിപ്പിച്ചു
- കോവിഡ് -19 പകർച്ചവ്യാധിക്കെതിരെ പോരാടുന്നതിന് “ആത്മ നിർഭർ ഭാരത് അഭിയാൻ അല്ലെങ്കിൽ സ്വാശ്രയ ഇന്ത്യ മിഷൻ” പ്രകാരം 20 ലക്ഷം കോടി രൂപ ഇന്ത്യൻ സർക്കാർ അനുവദിച്ചു.
- ലോകമെമ്പാടുമുള്ള രാജ്യങ്ങൾ പ്രഖ്യാപിച്ച പാക്കേജുകൾ പരിശോധിക്കുമ്പോൾ ഏറ്റവും വലിയ സാമ്പത്തിക ഉത്തേജക പാക്കേജിൽ ഒന്നാണിത്. അനുവദിച്ച ഫണ്ട് 2019-20 ലെ ഇന്ത്യയുടെ ജിഡിപിയുടെ 10% വരും.
- ദുരിതാശ്വാസ പാക്കേജിൽ സർക്കാർ മാർച്ചിൽ പ്രഖ്യാപിച്ച 1.7 ലക്ഷം കോടി രൂപ പാക്കേജും ഉൾപ്പെടുന്നു.
മനോജ് അഹൂജയെ സിബിഎസ്ഇയുടെ പുതിയ ചെയർമാനായി നിയമിച്ചു
- 2020 മെയ് 12 ന് മനോജ് അഹൂജ സെൻട്രൽ ബോർഡ് ഓഫ് സെക്കൻഡറി എജ്യുക്കേഷന്റെ (സിബിഎസ്ഇ) പുതിയ ചെയർമാനായി നിയമിതനായി.
- മാനവ വിഭവശേഷി വികസന മന്ത്രാലയത്തിന് കീഴിൽ സ്കൂൾ വിദ്യാഭ്യാസ, സാക്ഷരതാ വകുപ്പ് സെക്രട്ടറിയായി അടുത്തിടെ നിയമിതനായ ഐഎഎസ് ഓഫീസർ അനിത കാർവാളിന് പകരക്കാരനായിട്ടാണ് മനോജ് അഹൂജ നിയമിതനാകുന്നത്.
- ഒഡീഷ കേഡറിലെ 1990 ബാച്ച് ഐഎഎസ് ഉദ്യോഗസ്ഥനാണ് മനോജ് അഹൂജ. പേഴ്സണൽ ആന്റ് ട്രെയിനിംഗ് വകുപ്പിന് കീഴിലുള്ള ലാൽ ബഹാദൂർ ശാസ്ത്രി നാഷണൽ അക്കാദമി ഓഫ് അഡ്മിനിസ്ട്രേഷനിൽ സ്പെഷ്യൽ ഡയറക്ടറായി നിലവിൽ സേവനമനുഷ്ഠിക്കുകയായിരുന്നു അദ്ദേഹം.
ഗ്ലോബൽ എനർജി ട്രാൻസിഷൻ ഇൻഡെസ്കിൽ ഇന്ത്യക്ക് 74ആം സ്ഥാനം
- വേൾഡ് ഇക്കണോമിക് ഫോറം (ഡബ്ല്യുഇഎഫ്) വാർഷിക റാങ്കിംഗ് അനുസരിച്ച് ഗ്ലോബൽ എനർജി ട്രാൻസിഷൻ ഇൻഡെസ്കിൽ ഇന്ത്യ 74-ാം സ്ഥാനം നേടി. കഴിഞ്ഞ വർഷം ഇന്ത്യ 76-ാം സ്ഥാനത്തായിരുന്നു.
- സാമ്പത്തിക വളർച്ച, ഊർജ്ജ സുരക്ഷ, പാരിസ്ഥിതിക സുസ്ഥിരത എന്നിവയടങ്ങിയ എല്ലാ പ്രധാന പരാമീറ്ററുകളിലും ഇന്ത്യ പുരോഗതി കാണിച്ചു.
- റാങ്കിംഗിൽ തുടർച്ചയായ മൂന്നാം വർഷവും സ്വീഡൻ ഒന്നാമതെത്തി.യഥാക്രമം രണ്ടും മൂന്നും സ്ഥാനങ്ങളിൽ സ്വിറ്റ്സർലൻഡും ഫിൻലൻഡുമാണ്.
- 2020 ലെ ഫലങ്ങൾ കാണിക്കുന്നത് ലോകത്തിലെ 75% രാജ്യങ്ങളും പരിസ്ഥിതി സുസ്ഥിരത മെച്ചപ്പെടുത്തിയെന്നാണ്.
മെയ് 15 :അന്താരാഷ്ട്ര കുടുംബ ദിനം
- എല്ലാ വർഷവും മെയ് 15 അന്താരാഷ്ട്ര കുടുംബ ദിനമായി ആഘോഷിക്കുന്നു.
- കുടുംബങ്ങളുടെ പ്രാധാന്യത്തെക്കുറിച്ച് സമൂഹത്തിൽ അവബോധം വളർത്തുന്നതിനും ഈ ശ്രമങ്ങളെ പ്രതികൂലമായി ബാധിക്കുന്ന വശങ്ങളെ മറികടക്കുന്നതിനുമാണ് ഈ ദിനം ആഘോഷിക്കുന്നത്.
- ലോകമെമ്പാടുമുള്ള കുടുംബങ്ങളെ ബാധിക്കുന്ന വിവിധ പ്രശ്നങ്ങൾ ഈ ദിവസം ഉയർത്തിക്കാട്ടുന്നു, അവ പരിഹരിക്കുന്നതിനും യോജിപ്പുണ്ടാക്കുന്നതിനും ആവശ്യമായ നടപടികൾ നിർദ്ദേശിക്കുകയും ചെയ്യുന്നു.
- 2020 ലെ അന്താരാഷ്ട്ര കുടുംബ ദിനത്തിന്റെ സന്ദേശം “ഫാമിലീസ് ഇൻ ഡെവലെപ്മെന്റ് ” എന്നതാണ്. കുടുംബ്ബങ്ങളുടെ പ്രാധാന്യവും സാമൂഹിക വികസനത്തിലെ അവരുടെ പങ്കും പുറത്തറിയിക്കുക എന്നതാണ് ഈ സന്ദേശത്തിന്റെ ഉദ്ദേശം.
CSIR ഭാരം കുറഞ്ഞ കാർബൺ ഫോം ബാറ്ററികൾ വികസിപ്പിച്ചെടുത്തു
- കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ചിലെ (CSIR) ഗവേഷകൻ ലെഡ് ബാറ്ററികൾക്ക് പകരം ഉപയോഗിക്കാൻ കഴിയുന്ന ലൈറ്റ് കാർബൺ ഫോം വികസിപ്പിച്ചെടുത്തു.
- കാർബൺ ഫോം തയ്യാറാക്കാൻ എളുപ്പമാണ്. ഇൻസ്റ്റിറ്റ്യൂട്ട് വികസിപ്പിച്ച മെറ്റീരിയലിന് ലെഡ്-ആസിഡ് ബാറ്ററികൾ മാറ്റിസ്ഥാപിക്കാനുള്ള കഴിവുണ്ട്. ഹീറ്റ് സിങ്ക്, എയ്റോസ്പെയ്സിലെ വൈദ്യുതകാന്തിക ഇടപെടൽ കവചം, ലെഡ് ആസിഡ് ബാറ്ററികൾക്കുള്ള ഇലക്ട്രോഡ്, ഹൈഡ്രജൻ സംഭരണം, ജലശുദ്ധീകരണ സംവിധാനങ്ങൾ എന്നിവ നിർമ്മിക്കുന്നതിനും ഇത് ഉപയോഗപ്രദമാണ്.
- കാർബൺ ഫോം നിർമ്മിക്കാനുള്ള അസംസ്കൃത വസ്തുക്കൾ എളുപ്പത്തിൽ ലഭ്യമാണ്. മലിനമായ വെള്ളത്തിൽ നിന്ന് എണ്ണ, ആർസെനിക്, മറ്റ് ലോഹങ്ങൾ എന്നിവ നീക്കം ചെയ്യാനും ഇത് ഉപയോഗിക്കാം
- കാർബൺ ഫോം പോറസാണ്. ബാറ്ററികളിലെ സുഷിരങ്ങൾ കാര്യക്ഷമത വർധിപ്പിക്കാൻ സഹായിക്കുന്നു.
തെലങ്കാനയിലെ ടെലിയ റുമാലിനും ജാർഖണ്ഡിലെ സൊഹ്രായ് ഖോവർ പെയിന്റിംഗിനും ജിഐ ടാഗ് ലഭിച്ചു
- ചെന്നൈ ആസ്ഥാനമായ ജിയോഗ്രാഫിക്കൽ ഇൻഡിക്കേഷൻസ് രജിസ്ട്രി സൊഹ്റായ് ഖോവർ പെയിന്റിംഗിനും ടെലിയ റുമലിനും ജിയോഗ്രാഫിക്കൽ ഇൻഡിക്കേഷൻ ടാഗ് നൽകി.
- പരമ്പരാഗതവും അനുഷ്ഠാനപരവുമായ മ്യൂറൽ കലയാണ് ജാർഖണ്ഡിലെ സൊഹ്റായ് ഖോവർ പെയിന്റിംഗ്. പ്രാദേശിക വിളവെടുപ്പ്, വിവാഹ സീസണുകളിൽ പ്രാദേശിക ആദിവാസി സ്ത്രീകൾ ഇത് അവതരിപ്പിക്കുന്നു.
- ജാർഖണ്ഡിലെ ഹസാരിബാഗ് ജില്ലയിലെ വിവിധ നിറങ്ങളിലുള്ള പ്രാദേശികവും സ്വാഭാവികമായ ലഭ്യമായ മണ്ണ് ഉപയോഗിച്ചാണ് ഈ ചിത്രങ്ങൾ വരയ്ക്കുന്നത്.
- രാജസ്ഥാനിലെ അജ്മീർ ഷെരീഫ് ദർഗയിലാണ് ടെലിയ റുമാൽസ് പ്രധാനമായും ഉത്പാദിപ്പിക്കുന്നത്. ഹൈദരാബാദിലെ നിസാമിന്റെ കൊട്ടാരത്തിലെ രാജകുമാരിമാർ മൂടുപടമായും മിഡിൽ ഈസ്റ്റിലെ അറബികൾ തലപ്പാവ് തുണിയായും ഈ തുണി ഉപയോഗിക്കുന്നു.
Download Entri App and Start using Discussion Forum
Hope you have benefited from this article. To practice daily current affairs quiz, try Entri Daily Rank Booster which will provide free GK current affairs quiz on daily basis. Also visit our YouTube channel Entri TV. Ace your preparation for Kerala PSC Examination with Entri.
Best of luck for your upcoming examination!
